Ukrayinanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk Ukrayinanıñ vaqtınca işğal etilgen topraqlarında qalğan adamlarğa tevsiyeler berdi.
"Uquqiy, siyasiy ve maneviy meselelerge toqunmayıp, Vaqtınca işğal etilgen topraqlarınıñ reintegratsiya meseleleri naziri olaraq aşağıdakilerni tevsiye etem:
1)Ukrayinanıñ nezaretinde olğan topraqlarğa köçüñiz. Bu qolay olmağanını bilem, amma çareler tapıp ketmeñiz kerek. Çünki söz siziñ telükesizligiñiz ve balalarıñıznıñ taqdiri aqqındadır
2)Rusiye pasportını almañız. Bu qıyın olğanını bilem, amma uzun müddetli istiqbalde Rusiye vatandaşlığı faydadan daa çoq problemalar yaratacaq", - dep yazdı o Telegram kanalında.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
