Oña efsane dey ediler. Veciye Kaşkasız üç yıl (fotoresimler)

Üç yıl evelsi, 2017 senesi noyabrniñ 23-nde, qırımtatar milliy areketiniñ veteranı Veciye Kaşka Qırımdaki Rusiye FSBsi ve SOBRniñ mahsus tedbirleriniñ şaatı oldı.

Quvetçiler Aqmescitte dört qırımtatarını tutıp, Türk vatandaşı Yusuf Aytandan büyük miqdarda para talap etkeninde qabaatladı. Tutulğanlar Aytannı Veciye Kaşkadan borc alğan paranı qaytarmağa iqna etmege tırıştı, dep bildirdi.

Rusiye FSBsiniñ resmiy versiyasına köre, tutulğanda Veciye Kaşka yaramadı. Qadınğa «acele yardım» çağırıldı, amma hastahanege ketkende o can berdi – Veciye apte 83 yaşında edi. Faqat yürek tutuvı versiyası em qorantasınıñ, em advokat Nikolay Polozovnıñ şübhelerini doğurta. O, Veciye Kaşka ölüminiñ mustaqil tahqiqatını keçire. Veciye Kaşkanıñ ölüminen bağlı cinaiy dava açmaq talabı red etildi ve FSB videoları kösterilmedi. Rusiyeli qadı Olga Kuznetsova Kaşka «qart edi ve bundan vefat etti», dep ayttı. Advokat Nikolay Polozov 2020 senesi mayıs ayında Avropa insan aqları mahkemesine vesiqa bermege niyetlene, dep bildirgen edi.

Qırım.Aqiqat, qırımtatar milliy areketiniñ efsanesini hatırlay.

(Fotoresimler ilk sefer 2018 senesi noyabrniñ 26-nda derc etilgen edi)