Rusiye makemesi tarafından maküm etilgen qırımtatar Appaz Kurtametniñ sağlıq vaziyeti telüke astında qala. Hususan, ruhiy ve duyğu basqısı sebebinden, dep ayttı onıñ anası Ayşe Kurtamet.
Onıñ aytqanına köre, Appaznıñ sport zalı ve kitaphanege kirişi bar, bundan da ğayrı, duşlarnı sıñırsız qullana bile.
"Rusiye müessiseleriniñ ölçevlerine köre medeniy şaraitler bar, ve Vladimir merkeziniñ eski apishanesi ile qıyaslağanda, anda mabüslerge insaniy yanaşuv bar", — dep ayttı qadın.
Amma qırımlınıñ sert tutuv şaraiti ve evelki işkence sebebinden sağlıq problemleri bar. Rejim qattı. Saat 6:00-da turmaq, bir saat gimnastika yapmaq, saat 7:00-de sabalıq yapmaq. Bir saat boş vaqtı qala", — dep qayd ete Kurtametniñ anası.
"Elbette ki, çeşit insanlarnen qarşılaşmaq kerek, ve çeşit allar ola: davalar, mabüsler arasında añlaşılmamazlıqlar ola, amma Appaznıñ diplomatik tabiatı sayesinde onıñ daa kimse ile problemleri olmadı, şükürler olsun. O, keskin köşelerni yımşatmağa tırışa. Bu basqıncı bir vaziyet: ilişüv, çaquv — er şey esirlerniñ büyük cemiyetinde bar. Sıñırlavlar şaraitinde insanlar pek açuvlanalar, biri-birinden nefret eteler, ve bu pek igrenç", — dep ayta Ayşe.
2023 senesi çeçek ayınıñ 20-nde Rusiye qurğan Aqmescitniñ Kiyev rayon mahkemesi 2022 senesi iyul ayında Herson vilâyetindeki memuriy sıñırda hırsızlanğan qırımtatarı Appaz Kurtametni "Qırım" göñülli batalyonına maddiy yardım köstergen iddiası ile 7 yıl apis cezasına mahküm etti.
2023 senesi arman ayınıñ 29-nda Rusiye kontrolindeki Qırım Yuqarı mahkemesi Appaz Kurtametniñ ükmüni deñiştirmedi.
Qırımtatar faali Elmaz Qırımlınıñ Facebookta yazğanına köre, Rusiye tahqiqatınıñ versiyasına köre, Kurtamet daa soñra bilgenine köre, "Qırım" batalyonında hızmet etken bir dostuna 500 ğrıvnâ bergen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
