Link açıqlığı

«Rusiyeli» Keriçte SSSR halq artisti Vasiliy Lanovoy endiden oña «Keriçte ukrain tilinde laf etmemek mümkün olğanına» quvandı.

Bunı o «Bosporsike agonı» adetiy qavmiy sanat festivaliniñ açıluv tedbirinde ayttı, dep haber ete Qırım.Aqiqat mühbiri.

Çıqışınıñ başında bu sene 80 yıllığını qayd etken Lanovoy şeerlilerni em rus, em de ukrain tilinde selâmladı.

«Mında Gogolniñ sözlerini hatırlamalımız, yani tek bir ulu til bar – rus tili, digerleri zarflardır», – dedi Lanovoy.

SSSR halq artisti öz çıqışını Rusiyede bir qaç yıl devamında olıp keçken «Ölmez polk» adlı numayışına, yani 1941-1945 seneleri cenkte elâk olğanlarnıñ hatırasına ötkerilgen numayışqa bağışladı.

Aktör işğal etilgen Ukrainada yaşağan bala deviri, cenk aqqında olğan hatırlavları ile paylaştı. Ukraina cenübiy-şarqındaki vaziyetni de añıp keçti. Şiirlerni ve cenk yıllarnıñ yırlarını icra etti.
XS
SM
MD
LG