İşğal vaqtında FSB onı yaşağan eviniñ kirişi ögünde hırsızlap ketti. Köteklep, işkencege oğratqanlar, eki afta devamında qanunsız bir şekilde SİZOda tutqanlar, "Ermeni Bazar" kontrol keçiş noqtasına çıqarıp, işğal etilgen Qırımğa qaytmağa yasaq etkenler. Bundan soñ Valid göñülli olıp cebege ketti. Soñra İlovaysk, Donetsk ava limanı, Peski edi. Büyük istilâ başlağan soñ Valid tuvğan Herson vilâyetiniñ azat etilüvinde iştirak etti. İşğal etilgen Hersonda babası bar edi. Valid Rusiye Qırımnı qolay-qolay bermez, dep ne içün tüşüne? İşğal etilgen Qırım yarımadasındaki dairesi ne oldı? Şimdi qayda cenkleşe, nasıl yaralandı?