Ukrayina prezidenti ofisiniñ yolbaşçısı Andriy Yermak Rusiyeniñ Büyük Britaniyadaki Elçiligi öz Twitter saifesinde "Azov" askerlerine ölüm cezasını bermege çağırğan soñ olarğa "vahşiyler ve terrorcılar" dedi.
"Rusiye terrorcı memlekettir. 21-nci asırda diplomatik seviyede insanlarnıñ sebepsiz asılıp öldürüvni aq etkenenini tek vahşiyler ve terrorcılar ayta bile. RF terrorcılıqqa para bergen devlettir. Daa nasıl isbatlar kerek?", - dep yazdı Yermak.
Keçende Rusiyeniñ Büyük Britaniyadaki Elçiliginiñ resmiy Twitter saifesinde Ukrayinanıñ "Azov" polkunıñ askerleri asıp idam etmege çağıruv yayınlandı.
Twit işğal etilgen Olenivkadaki cezahanede "Azov" polkunıñ askerleri ile beraber diger ukrayin arbiy esirleriniñ ölümindenbir qaç saat soñra yayınlandı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
