«ÇVK Vagner» ile bağlı Telegram kanalları bir ay içinde yalçılarnı almağa toqtaycaq, dep bildirdi.
Haberde aytılğanına köre, bunıñ sebebi Ukrayına ile cenkte «vaqtınca iştirak etmeme» ve şirketniñ Beyazrusiyege köçüvi oldı.
İyünniñ 23-24-nde «ÇVK Vagner» isyanından soñ yalçılarnı aluv noqtaları qapatılıp başlandı. Rusiye şeerleriniñ soqaqlarından ÇVK ilânları alına.
Aleksandr Lukaşenko ÇVKge Beyazrusiye Cumhuriyetine köçmege teklif etti. Tedqiqatçı jurnalistlerniñ malümatına köre, vagnerciler lageri Mogilev vilâyetinde qurula, Ukrayına sıñırından tahminen 200 kilometrde.
İsyandan soñ BBC «ÇVK Vagner» Ukrayına ile cenkke insanlarnı yollamaq içün celp etmege devam ete, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
