Link açıqlığı

Saatnıñ esas haberi

Rusiye mahkemesi «qırımlı musulmanlar davasınıñ» mabüsi Bektemirovnıñ ükmüni deñiştirmedi


Vadim Bektemirov
Vadim Bektemirov

Vlasihadaki Rusiye istinaf arbiy mahkemesi 11 yıl sert rejimli koloniyada qalmasına üküm etilgen «qırımlı musulmanlar davasınıñ» mabüsi Vadim Bektemirovnıñ ükmüni deñiştirmedi. Bu aqta «Qırım birdemligi» cemaat birleşmesi haber ete.

Oturışuvda advokat cinaiy davanıñ delilleri bozuvlarnen toplandı, dep bildirdi. O, «Rusiye FSBsi tarafından provokatsiya, hususan gizli şaat Adnan Masriniñ qullanıluvına» diqqat ayırdı, Masri Bektemirovnen subetini qayd etken eken.

«Men, qırımtatar halqım kibi, kommunizm zamanları keçmişte qaldı, dep tüşüne edim. Amma kommunist mefküresinden qurtarılğanımıznı tüşüngenimiz diger tedbir ve terazeniñ portalı oldı, daa totalitar bir dünyağa», – dedi Bektemirov.

O, mahkeme qararlarını «tahmin etilgen» dep, çıqışını semetdeşlerine köstergen yardımları içün minnetdarlıq sözlerinen bitirdi.

«Rusiye mahkemeleriniñ qararları tahmin etilgen edi, çünki mabüsler qırımtatar musulmanları ola. İmaye tarafınıñ er angi delili – sahrada biriniñ sesidir. Ükümler çıqarılğanını körip, bütün halq yoq etile, dep hulâsa çıqarasıñ», – dep ayttı Bektemirov.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG