Kyivde “Kitap Arsenalı” halqara festivalinde mayısnıñ 25-inde “Apisten mektüpler” aktsiyası keçti. Qırım.Aqiqat mühbiri bildirgeni kibi, meşur ukrainler, Rusiye ve ilhaq etilgen Qırımda siyasiy sebepler ile tutulğan Ukraina vatandaşlarınıñ mektüplerini oquy edi.
Jurnalist Aleksandr Kulikov, ukrain faal Volodımır Baluhnıñ ve cemaat jurnalisti Remzi Bekirovnıñ mahkemede soñ sözüni oqudı. Yırcı ve alıp barıcı Aleksandra Koltsova “eñ küçük cenk esiri” Andriy Eyderniñ mektübini oqudı. Cemaat erbabı Svâtoslav Vakarçuk ukrain rejissörı Oleğ Sentsovnıñ mektübini oqudı. Ukrain yırcı Rimma Zübina qırımtatar Ruslan Süleymanovnıñ anasınıñ mektübini oqudı. Umumen 10-dan ziyade ukrainniñn mektübi oquldı.
Qırım.Aqiqat merasimni canlı yayınlay.
Ukraina Tış İşler Nazirliginiñ malümatına köre, Rusiye 70-den ziyade Ukraina vatandaşını qanunsız tuta. Olarnıñ arasında 24 ukrain deñizci ve Donbassta esir etilgenler.
