Ukrayina arbiyleri aprelniñ 1-ne keçer gecesi Rusiye ücüm etken eki raketanı urıp tüşürdi, dep haber ete Ukrayina Silâlı quvetleriniñ Ava küçleriniñ matbuat hızmeti Telegram kanalında.
Habergen köre, duşman Zaporijjâ yönelişinde taktik aviatsiya uçaqlarından eki H-59/69 aviatsiya raketasınen darbe endirdi – Ukrayina ava mudafaası eki raketanı da tüşürdi.
Ukrayina Silâlı quvetleriniñ Ava küçleri uzun vaqıt devamında ilk sefer Rusiye darbe dronlarınıñ ücümi aqqında bildirmedi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
