Rusiye prezidenti Vladimr Putinniñ Volodımır Zelenskıynı öldürmege planlaştırmağanı bildirmesi ile beraber bergen vadelerine inanmaq mümkün degil, dep bildirdi bazar künü fevralniñ 5-nde Twitter saifesinde Ukrayina Tış işler naziri Dmıtro Kuleba .
"Evel Putin Qırımnı işğal etmemek, Minsk añlaşmalarını bozmamaq, Ukrayinağa istilâ etmemek söz bergen edi, amma bütün bularnı yaptı. Aldanmañız: o usta bir yalancıdır. Er sefer bir şey etmeycegine söz bergende bu onıñ planınıñ bir qısmı edi", - dep qayd etti Kuleba.
Bundan evel İsrailniñ baş naziri Naftali Bennet, cenkniñ başında Rusiye prezidenti Vladimir Putin oña Ukrayina prezidenti Volodımır Zelenskıynı öldürmeycegine söz bergenini bildirdi
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
