Ukrayina Silâlı Quvetleri (USQ) Qırımnıñ er angi köşesine yete bile, amma ukrayin arbiylerine ep bir uzaq menzilli silâ kerek. Bunı USQ Arbiy Quvetleriniñ spikeri Yuriy İgnat bildirdi.
"Körgenimiz kibi, bizim Mudafaa quvetlerimiz Qırımnıñ er angi köşesine yete. "Bastion" yalı raketa kompleksini, bizge daima ücüm etken Rusiye Qara deñiz flotunı yoq etmek içün sistemalar, silâ kerek... Bunıñ içün bizge ATACMS, F-16 köpmleksi kerek, o zaman bam-başqa ikâye başlancaq", - dep bildirdi o.
Bundan ğayrı iyülniñ 24-nde saba Aksönov Qırımda 11 uçucısız tesirsiz alğa ketirildi, dep bildirdi. Canköy rayonında silâ anbarından ğayrı, uçucısız parçaları İslâm Terek rayonındaki mesken evge zarar ketirgen. Ukrayina Mudafaa nazirliginiñ Baş istihbarat idaresi uçucısızlarnıñ Rusiye işğal etken Qırımnıñ Canköy ve İslâm Terek rayonlarına qarşı ücümini izaatladı. Ukrayina Mudafaa nazirligi Baş istihbarat idaresiniñ vekili Andriy Yusov bildirgenine köre, Qırımnıñ Rusiye arbiy obyektlerine qarşı ücümler Kreml rejiminiñ "olarnı bile qorup olamağanını" köstere.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
