Birinci ağır çekide mutlaq dünya çempionı olğan, doğma Aqmescitten, ukrain boksçısı Aleksandr Usik, dünyanıñ bütün silâsını yoq etilmesini arzu ete. Bunıñ aqqında o, avgustnıñ 1-isinde “Gulliver” ticaret-eglence merkezinde keçken mühlisler ile körüşüvde ayttı.
“Barışıq, tınçlıq aqqında tüşünem. Dünyada yalan ve başqa şeylar pek çoq. Bir mültikte bala yalan aytqanınen burnu öse edi. İç tahmin etesizmi, dünyada ne qadar böyle “burunlılar” bar. Amma burunları, neçündir, körünmey. Men dünyanıñ bütün silâsını yoq eter edim”, - dedi Usik.
Sport ve ilimde yarışmaq mümkün olğanını de qoştı.
“Er şeyde yarışmaq mümkün, amma silâsız”, - dey Usik.
İyülniñ 22-sinde gecesi bitken Murat Gassiyev ile uruşnıñ neticesinde, Usik WBO ve WBC dünya çempionı kuşaqlarını saqladı, ve olarğa WBA Super ve İBF (evel Gassiyevde olğan) qulaşqları ve, eñ küçlü boksçılarnıñ uruşında yeñgenlerge berilgen, The Ring jurnalınıñ quşağını qoştı. Bundan da ğayrı, Mohammad Aliniñ Kubogını qazandı.
Qırımlı Usik ihtisasiy ringdeki bütün15 uruşında ğalip olıp çıqtı.
Ukraina baş naziri Volodımır Groysman, Aleksandr Usikke Ukraina qaramanı unvanını bermege, prezident Petro Poroşenkoğa muracaat etecegini haber etti.
Usik, oña devlet mukâfatı berilmesine şübeli baqa.
