Ukrayına Mudafaa nazirliginiñ Baş istihbarat idaresiniñ reberi Kırılo Budanov eñ müim uruşlar baarniñ ortası ve soñunda olacaq. Bu aqta Forbes haber ete.
Onıñ aytqanına köre, Rusiye ile cenk taqdiri baarniñ soñuna qadar belli olur. O, bu sözlerni «tahmin» dep saymay, olarğa «hulâsa» dep ayta.
«Men tahmin etmeyim ve bir vaqıt tahmin etmedim. Biz tahmin aytmaymız, hulâsa çıqaramız, bu farqlı şeyler», – dep qayd etti istihbarat yolbaşçısı.
Budanov, Büyük cenkniñ yılını futbolnen qıyaslasa, şimdi matçnıñ 70-inci daqqasında esap 1:1 ola.
Mudafaa nazirliginiñ Baş istihbarat idaresi Rusiyeniñ yañı ücüm hususiyetlerini añlattı. Müessise malümatına köre, Rusiye ordusınıñ esas maqsadı – Donbas. «Diger taraflar da zarar köre bile, amma laf quvet ve vastalarnıñ diqqatını dağıtmaq aqqında kete».
The New York Times neşiri Amerika istihbaratına esaslanıp, Rusiyede yaqın vaqıtta yañı seferberlik ola bile ve yüz biñlernen insan orduğa alına bile, dep yazdı.
«Amerika istihbaratınıñ vekilleri o, (Rusiye prezidenti Vladimir Putin – QA) orduğa daa çoq rusiyelini seferber ete bile, endi çağırılğan 300 biñge daa yüz biñlernen insannı qoşa bile, dep malümat alğanını ayta», – dep yaza neşir.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
