Link açıqlığı

Saatnıñ esas haberi

Uquq qoruyıcılar, Vladimir Baluhqa destek mektüplerini yazmağa çağırta


“Qırım uquq qoruyıcı gruppası” Keriç koloniyasında apis etilgen ukrain faalcisi Vladimir Baluhqa destek mektüplerni yazmağa çağırttı. Dekabr 4-ünde uquq qoruyıcılar, şimdilik Baluh qol tutuvğa muhtac olğanını bildirdi.

“Oktâbrnıñ 18-inden başlap, uydurılğan davalar boyunca qanunsız mahkeme qararından soñ Vladimir Baluhnı Keriç koloniyasında tutalar. Kreml mabüsi olğan bütün ukrainlerge kibi, Baluhqada qol tutuv ğayet emiyetli. Oña destek köstermek içün er istegen mektüp yaza bile”, - denile beyanatta.

“Qırım uquq qoruyıcı gruppası”nda, qıta Ukrainanıñ sakinlerine Vladimir Baluhqa mektüp yollamağa yardım etip olğanını bildire, çünki ilhaq etilgen Qırımğa poçta yollamalanı yibermege imkân yoq.

“Vladimirge mektüp, ya da sadece destek sözlerini yazıp, Qırım uquq qoruyıcı gruppasınıñ elektron poçtasına crimeahrg@gmail.com “Vladimir Baluh içün” belgisinen yollañız. Bu mektüpler Baluhqa berilir. Faal siziñ mektübiñizni alsıñ dep, rus tilinde yazıp, “ekstremist” sayıla bilecek cümle ve ibarelerden saqınıñız”, - dep aytıla beyanatta.

Uquq qoruyıcılar, qırımlılar özleri koloniyağa mektüp yollay bile dep qoştı, 2-nci koloniyanıñ adresi uquq qoruyıcı gruppanıñ saytında yerleştirilgen.

Bundan evel Kreml nezaretindeki Qırım Yuqarı mahkemesi 5 yılğa mahküm etilgen Vladimir Baluhnıñ ükmüni qısmen yımşatıp, onı 4 yıl ve 11 ay umumiy rejim koloniyasında qalmasına ve 10 biñ ruble (tahminen 4 biñ ğrıvnâ) para cezasını ödemesine üküm etti. Faal eki cinaiy iş boyunca tevqif etildi.

Baluh, 2018 senesi martnıñ 19-ında ilân etken müddetsiz açlıqnı devam etmekte. Mabüsnıñ bir ay iç aş aşamağanından soñ, Qırım arhiyepiskopı Kliment, onı iç olmadan 2 stakan cılap kiseli, 50-70 gramm qara ötmek peksimeti ve ballı çaynı içmege qandırdı, böylece onıñ ölmemege küçü yetecek.

Daa evel Baluhnıñ açlıqnı vaqtınca toqtatmaq qararı aqqında belli olğan edi. Advokat Dmitriy Dinzeniñ aytqanına köre, Baluh 200 kün açlıq tutqan soñ ülser ve pankreatit şübesi bar.

FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.

XS
SM
MD
LG