Ukraina uquq qoruyıcıları, ilhaq etilgen Qırımda jurnalistler, blogerler ve faallerniñ taqibatı içün Rusiyege basqını arttırmağa çağırta.
Bundan ğayrı uquq oqruyıcıları, Qırımğa ukrain jurnalistlerniñ kirmesine yasaqnı lâğu etmekni ve olarğa öz işlerini serbest becermege razılıq bermekni Rusiyeden talap ete.
Bu, uquq qoruyıcılar ve media teşkilâtlarnıñ Qırım.Aqiqat mühbiri Taras İbragimovnıñ Qırımğa kiriş yasağınen bağlı olğan beyanatında denile.
"Böylece Rusiye Federatsiyası işğalci devlet, Qırımnı "haber gettosı"na çevirmek ve, telüke em qorquzmalarğa baqmadan, yarımadağa kelgen freelancerlerniñ çalışmasını imkânsız yapmağa tırışa. Bu, İnsan aqları ve esas azatlıqlarnıñ qorulması şartnamesiniñ №4 protokolınıñ 2-nci ve 10-uncı maddeleriniñ bozulmasıdır", - denile beyanatta.
Bundan ğayrı uquq qoruyıcılar, İbragimovnıñ Qırımğa kiriş yasağınen bağlı cinaiy davanı açmağa Ukraina akimiyetine muracaat ete.
