Şimdi Kıyivniñ nezaretinde olğan topraqlarda ukrayin pensiyasını almaq içün qırımlılar mahkemege muracaat etmeli olacaqlar. Bunı "QırımSOS" uquq qoruyıcı teşkilâtınıñ adliyecisi Anastasiya Kalinina haber etti.
"Ukrayinanıñ nezaretinde olğan topraqlarda pensiya almaq içün qırımlılar Rusiye pensiyasınıñ alınmaması ile bağlı muracaat etmeli olacaqlar, amma işğalci akimiyetiniñ er angi vesiqasınıñ Ukrayinada uquqiy quveti yoq. Bir talap almaqnıñ imkânsızlığı sebebinden mahkeme yolu ile pensiya tayin etmek kerek olacaq", - dedi o.
Teşkilâtta qayd ettiler ki, işğal etilgen Qırımnı terk etken soñ Ukrayina pensiyasını almaq içün iş ve sigorta stajinıñ olması kerektir.
"Aynı zamanda, işğal vaqtında alınğan iş staji sayılmay. Ukrayinanıñ nezaretinde olğan topraqlarğa kelgen soñ mecburiy köçken şeadetnamesini almaq ve soñra pensiya içün Ukraiyna Pensiya fonduna muracaat etmek kerek", - dedi adliyeci.
Evel haber etilgeni kibi, Qırımlılar tarafından Ukrayina pasportı içün muracaat etkende eñ çoq rastkelgen meselelerden biri şahsiyetni aynılamadır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
