ZMINA İnsan aqları merkezi Aqmescitteki 2-nci SİZO-da 2022 senesi dekabrniñ 1-nde Aqyarda RF quvetçileri tarafından "devlet hainligi" qabaatı ile yaqalanğan Ukrayina vatandaşı Dmitriy Papenkonı tapqan. Bunı uquq qoruyıcılar öz menbasına atfı etip bildire.
"47 yaşındaki Dmitriy Papenko bizim memleketimizge yardım ete edi. Tuvğanları ve yardım içün muracaat etecek kimsesi yoq. Ukrayinler oña yardım etmeliler", - dep yaza ZMINA.
«Agentstvo» Rusiye neşiri, Aqmescit SİZOsında işğal etilgen Ukrayina topraqlarında Rusiye ordusı ya da mahsus hızmetleri tarafından zapt etilgen 50-den 100-ge qadar ukrayinalı tutula, dep bildirgen edi.
Rusiye akimiyeti ve mahkemesi işğal etilgen topraqlarda ukrayinalılar tutulğanını tasdıqlay, lâkin sayısını aydınlatmay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
