ZMINA insan aqları merkeziniñ halqara advokatsiya idarecisi Yaroslava Yudina, Ukrainanıñ Qırımda taqip etilgen «Yegovanıñ Şaatlarına» yardım ete bile, dep saya.
Yudinanıñ Qırım.Aqiqat Radiosınıñ yaynında degeni kibi, Ukraina halqara diplomatik mehanizmlerni qullanıp Qırımdaki vatandaşalrını mudafaa ete bile, misal olaraq, halqara qararlar çerçivesinde «Yegovanıñ Şaatlarınıñ» azatlıq meselesini ilerilete bile.
«Böyle taqip Avropa şartnamesiniñ 7-nci maddesini boza - qanun olmadan cezağa yol berilmez. Söz, ukrain qanunlarına köre cinayetçi olmağan şahıslar aqqındadır. Halqara gumanitar uquq qaidelerine köre, Rusiye işğal etilgen topraqlarda öz qanundarını qullanıp olamay. Qırım tek Ukraina qanunları qullanıla bile», – dedi Yudina.
Avgustnıñ 5-nde Qırımda Rusiye FSB idaresiniñ hadimleri Ermeni Bazarda Yegovanıñ şaatlarında eñ azından 8 tintüv keçirdi.
