Link açıqlığı

Saatnıñ esas haberi

Uquq qoruyıcı, Rusiyeniñ qırımlılarnı eñ çoq taqip etkeni cinaiy maddelerni aytıp çıqtı


Yevğen Yaroşenko
Yevğen Yaroşenko

Qırım işğaliniñ 11 yılı devamında Rusiye Qırım sakinlerine qarşı eñ çoq Ceza kodeksiniñ yedi maddesinden dörtüni qullana, olar terroristik faaliyetnen bağlı. Bu aqta KrımSOS talilcisi Yevğen Yaroşenko "Qırım.Aqiqat"qa bergen intervyüsında ayttı.

"Eger tam mıqyaslı istilâdan evel ve ondan soñ olğanlarnı qıyaslasaq, 205.5 maddege binaen taqip etüv, qırımtatar faalleri ve musulman cemiyetlerini taqip etmek içün, sanki "Hizb ut-Tahrirge" ait olğanları içün, işğalci memuriyetler tarafından qullanılğan faal bir alet olaraq qala. Bundan da ğayrı, terroristik faaliyetke çağıruvlar aqqında maqaleler boyunca taqipler de bar. Olar fevralniñ 24-ne qadar da bar edi, ondan soñ da bar", — dep tarif etti Yaroşenko.

Talilci şunı da ayttı ki, terroristik faaliyetke açıq çağıruvlar aqqında maqaleler boyunca taqipler de er vaqıt ola. Olar fevralniñ 24-den evel bar edi ve ondan soñ da bar, amma taqip sebepleri deñişti.

Yaroşenko, sert rejimli koloniyada 9,5 yılğa mahküm etilgen Oleg Prıhodkonıñ davasını misal olaraq ketirdi. Başta oña terroristik areketlerni azırlağanı içün 5 yıl apis cezası berildi, soñra Rusiye mahkemesi daa 4,5 yıl apis cezasını qoştı. Qırım sakinleriniñ çoqusı, analitikniñ bildirgenine köre, içtimaiy ağlarda derc etilgen maqale sebebinden qabaatlana.

O şunı da qayd etti ki, halqara terrorizm aqqında madde fevralniñ 24-nden soñ qullanılmağa başladı. Rusiye Federatsiyasınıñ Ceza kodeksinde o, 2016 senesi "Yarovaya" antiterroristik paketiniñ qabul etilmesinden soñ peyda oldı ve işğal etilgen topraqlarda Ukrayina tarafdarları olğan faallerni taqip etüv aleti olaraq qullanıla.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG