Qırım uquq qoruyıcı gruppasınıñ başı Olga Skrıpnik Qırımda jurnalistlerniñ taqip etilmesine ve basqılarğa oğratılmasına alâqası olğan şahıslarnıñ adlarını ayttı.
"Bizim suçsuz jurnalistlerimizniñ adlarını er kesniñ bilmesi pek müimdir, amma amma deşetli cinayetlerge alâqası olğanlarnıñ adlarını bilmek de o qadar müimdir", - dep qayd etti o "Rusiye mahküm etken Vladislav Yesipenko ve diger qırımlı jurnalistler nasıl qurtarılacaq" matbuat konferentsiyası vaqtında.
Skrıpnik, işğalciler qanunsız sürette eñ az 15 jurnalistni tutqanını qayd etti. Onıñ bildirgeni kibi, olarnıñ episi sahte ve uydurma davalardan sebep yaqalanğan.
Skrıpnik, qırımlı jurnalistlerniñ taqip etilmesine alâqası olğan şahıslarnıñ adlarını da bildirdi: Andrey Giba, Anna Turobov, Ayeksandr Mordovin, Oleg Yegorov, Anatoliy Solin, Anton Tsıkurenko, İgor Köstin.
Oktâbrniñ 5-nde Kıyivde «Rusiye mahküm etken Vladislav Yesipenko ve diger qırımlı jurnalistler nasıl qurtarılacaq» matbuat konferentsiyası olıp keçti. Onıñ iştirakçileri şimdiki vaziyet aqqında tarif etti, anda media temsilcileri bar – Qırım.Aqiqatnıñ serbest hadimi Vladislav Yesipenko da olğan Kreml reineleri, siyasiy mabüslerniñ taqip etilüvinen bağlı Rusiye vekilleri aqqında tarif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
