United24 platforması faaliyetiniñ birinci yılı içinde onıñ yardımınen 300 million dollardan ziyade para toplanğan. Bunı Ukrayina devlet başı Volodımır Zelenskıy bildirdi.
Berilgen malümatqa köre, bir yıl içinde Ukrayina Milliy bankınıñ esaplarına halqara şirketlerden, Ukrayina biznesinden, hayriye teşkilâtlardan, meşçur insanlardan ve 110 memleketten donorlardan 325 millin dollardan çoq para kelgen.
Bu parağa 176 acele yardım arabası, 100 dane tibbiyet techizatı, ukrayin arbiyleri içün amunitsiya, minasızlaştıruv arabası alındı, 3 839 ucucsız aqqında kelişildi, işğalden azat etilgen topraqlarda 11 köpür ğayrıdan quruldı, "dünyada ilk deñiz ucucısızları" flotu teşkil etildi.
"United24 vastası ile devletimiz yüzden çoq memlekette millionlarnen insan tarafından desteklne. Bu kün biz platformanıñ bütün donorlarına daa bir kere minnetdarlıq bildiremiz", - dedi Zelenskıy.
Cuma künü Ukrayina prezidenti platformanıñ elçilekri ile körüşti. Olarnıñ arasında: futbolcı Andrey Şevçenko, boksçu Aleksandr Üsik, aktörlar Liyev Şrayber, Ketrin Vinnik, İvanna Yahno, Imagine Dragons gruppasınıñ meneceri Mak Reynolds ve Tay Arnold.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
