United24 ve Lego platformaları Bağçasarayda yerleşken Hansaraynıñ konstruktorını taqdim ettiler.
#UKRAINEinLEGObricks leyhası çerçivesinde Kıyivdeki Zoloti vorota, Pidgoretskiy qalesi, Odesa milliy akademik teatri ve Mıkolayiv astronomiya observatoriyasınıñ konstruktorları da çıqardı.
Olarnı 4 memleketniñ müellifleri yarattı: ABD-den Erik Low ve Mark Segedi, Almaniyadan Daniel Zaydel, Poloniyadan Matsey Kotsot ve Ukrayinadan Aleksandr Yermolayev.
"10 yıldan berli LEGO modellerini toplap çalışam. Men esasen dünyanıñ farqlı yerlerindeki mimarlıqnen meraqlanam. Hansaray Ukrayina çeşitliginiñ mükemmel bir örnegi ola. Saray tek mimarcılıq incisi degil de, aynı zamanda regionnıñ zengin tarihınıñ delilidir. Qırım medeniyetiniñ bu qısmını dünyağa kösterip, Ukrayinanıñ ğayrıdan tiklenüvine isse qoşqanıma pek quvanam", — dep qayd etti Matsey Kotsot.
Konstruktor satın almaq mümkün degil, amma onı 24 dollarlıq bağış yapıp qazanmaq mümkün.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
