Ukrayina nazirler kabineti Ukrayina Mudafaa nazirligi tarafından azırlanğan Deñiz havfsızlığı strategiyasınıñ amelge keçirilüv planını tasdıqladı, dep bildirdi memleket mudafaa naziri Rustem Ümerov noyabrniñ 22-nde.
Ümerovnıñ aytqanına köre, vesiqanıñ maqsadı Strategiyada belgilengen vazifelerniñ ve maqsatlarnıñ yerine ketirilmesini temin etmektir.
O, plannıñ esas vazifelerini qayd etti:
- Ukrayina telükesizlik ve mudafaa sektorı, Ukrayina Silâlı quvetleriniñ Arbiy deñiz quvetleri ve Ukrayina deñiz telükesizligi devlet hızmetiniñ deñiz qoruvınıñ "tecavuzına qarşılıq köstermek ve deñiz telükesizligine qarşılıq köstermek içün" imkânlarını quvetleştirüv
- Ukrayinanıñ vaqtınca işğal etilgen yalı, içki suvları ve qıtaiy şelfiniñ işğalden azat etilüvi
- Rusiye tarafından ketirilgen zarar içün tazminat aluv ve cenk neticesinde zarar körgen deñiz ve özen infrastrukturasınıñ ğayrıdan tiklenüvi.
"Birlikte Qara ve Azaq deñizleri Ukrayina içün kene serbest ve telükesiz olacaq vaqıtqa yaqınlaşamız", — dep qoştı Ukrayina mudafaa naziri.
Deñiz havfsızlığı strategiyası 2024 senesi iyül ayında Ukrayina milliy havfsızlıq ve mudafaa şurası tarafından tasdıqlandı. Bundan soñ qarar Ukrayina prezidenti Volodımır Zelenskıy tarafından işke tüşürildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
