Ukrayına mudafaa naziri Rustem Umerov iyülniñ 2-nde Washingtonda ABD mudafaa naziri Lloyd Austin ile küreşecek, dep bildirdi Pentagon.
«Devlet kâtibi Austin ve nazir Umerov eki taraflı mudafaa işbirligini, regional telükesizlik meseleleri ve ABD ve Ukrayına arasındaki mudafaa ortaqlığını quvetleştirüv yollarını muzakere etecekler», – dep bildirdi iyülniñ 1-nde Pentagon matbut kâtibiniñ muavini Sabrina Singh.
Muzakereler Ukrayına akimiyetiniñ ittifaqdaşlarından Rusiye istilâsına qarşılıq köstermek içün Kyivge silâ berilüvini arttırmaq ricası vaqtında olacaq.
ABD, Rusiye başlatqan cenkte Ukrayınağa arbiy yardım köstere. Prezident Joe Bidenniñ memuriyeti Ukrayınağa 2022 senesinden berli 50 milliard dollardan çoq arbiy yardım kösterdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
