Link açıqlığı

«Ukrzaliznitsâ» işğal etilgen Qırımda bilet fiyatlarınıñ paalılaşuv sebeplerini ögrene


«Ukrzaliznitsâ»da şunı bildireler ki, mında fiyatlarnı kimse deñiştirmedi ve Rusiye tarafından bu aqta iç bir malümat almağan ekenler.

«Rusiye demir yolundan iç bir resmiy bildirüv yoq edi. Biz şimdi taqiqat keçiremiz. Bundan soñ neticelerni aşkâr etermiz», – dep ayttılar Qırım «akimiyeti»niñ ruporı olğan Krıminform saytına müessiseniñ matbuat hızmetinde.

Qırım demir yollarınıñ malümat hızmetinde ise fiyatlarnıñ aqiqaten paalılaşuvı aqqında bildireler.

«Bugünden Aqmescitten Kiyevge platskart yeri – 2330 ruble, kupe – 3370 ruble tura. Bu al Rusiye elektron tertibatı qoyulması ile bağlı, o avtomatik şekilde böyle fiyatlarnı belgiley», – dep bildireler mında.

Hatırlatamız, «Tsentr jurnalistkih rassledovaniy» bergen malümatına köre, iyün 10-dan tren biletleriniñ satuvı ile OAO «RJD» oğraşa, qıtaiy Ukrainağa biletlerniñ fiyatı 4-7 qat paalılaştı.

Neşirniñ malümatına köre, №12 «Aqmescit-Kiyev» trenine bilet fiyatı 4 biñ 894 ruble 40 kapik oldı, 3,0 kursı boyunca 1631 grivna olıp çıqa. Evelleri bu yönelişteki trenlerge bilet fiyatı 380 grn tura edi.

Zaporojyeden Aqmescitke biletlerniñ fiyatı Qırım kassalarında endiden 2 biñ 369 ruble 40 kapik, ya da 790 grn tura. Evelden onıñ fiyatı 100 grn-dan ziyade degil edi.

Kassalarda añlatalar ki, fiyatlarnıñ paalılaşuvı Rusiye demir yol fiyatlarına keçüvi ile bağlı. Vagonlarnıñ ve hızmetniñ keyfiyeti deñişmey qala eken.
XS
SM
MD
LG