Qırım yönelişinde demir yol naqliye vastalarından faydalanğan yolcular sayısı keçken senege nisbeten 2014 senesi aprel ayında 40%-ğa, mayıs ayında ise 58%-ğa eksildi, dep ayttı jurnalistlerge «Ukrzaliznıtsâ» müessisesiniñ baş yolcu idaresiniñ yolbaşçısı İğor Breus.
Bunı Ukraina demir yol transportı devlet memuriyetiniñ matbuat hızmeti bildire.
Breusnıñ aytqanına köre, Qırımğa 48 tren çifti qatnay, olardan 21 çift – «Ukrzaliznıtsâ», 8 çift – Aqrusiye demir yolu, 19 çift – OAO «RJD»Rusiye müessisesine ait.
Lâkin yolcular az ve trenler toldurılmağanından sebep yalıñız 21 tren çiftiniñ biletleri satılıp başladı. Rusiye Qırım trenleriniñ biletler satılmasını daa açmadı.
«Al-azırda iyün 1-den Qırımğa yürecek trenler arasında №28 Kiyev-Aqyar treninen qullanalar, biletlerniñ yalıñız 61% satıldı. №12 Kiyev-Aqmescit trenine yolcular biletlerniñ 37% satın aldılar. Onıñ vagonlar sayısı on sekizni degil de, on üçni teşkil ete», – dep qayd etti Breus.
Berilgen malümatlarğa köre, yolcular sayısı az olğanından sebep, Qırımğa ketken trenler cedvelinde, 2013-2014 seneleriniñ trenler sayısına köre, 54 çift treni olmaycaq.
Aynı vaqıtta, «Ukrzaliznıtsâ» yarımadağa ketken yolcular memleketniñ diger regionlarına qatnaycaqlarını tahmin ete: Odessa, Berdânsk, Geniçesk, Herson ve Ğarbiy Ukraina.
Bunı Ukraina demir yol transportı devlet memuriyetiniñ matbuat hızmeti bildire.
Breusnıñ aytqanına köre, Qırımğa 48 tren çifti qatnay, olardan 21 çift – «Ukrzaliznıtsâ», 8 çift – Aqrusiye demir yolu, 19 çift – OAO «RJD»Rusiye müessisesine ait.
Lâkin yolcular az ve trenler toldurılmağanından sebep yalıñız 21 tren çiftiniñ biletleri satılıp başladı. Rusiye Qırım trenleriniñ biletler satılmasını daa açmadı.
«Al-azırda iyün 1-den Qırımğa yürecek trenler arasında №28 Kiyev-Aqyar treninen qullanalar, biletlerniñ yalıñız 61% satıldı. №12 Kiyev-Aqmescit trenine yolcular biletlerniñ 37% satın aldılar. Onıñ vagonlar sayısı on sekizni degil de, on üçni teşkil ete», – dep qayd etti Breus.
Berilgen malümatlarğa köre, yolcular sayısı az olğanından sebep, Qırımğa ketken trenler cedvelinde, 2013-2014 seneleriniñ trenler sayısına köre, 54 çift treni olmaycaq.
Aynı vaqıtta, «Ukrzaliznıtsâ» yarımadağa ketken yolcular memleketniñ diger regionlarına qatnaycaqlarını tahmin ete: Odessa, Berdânsk, Geniçesk, Herson ve Ğarbiy Ukraina.
