Ukrayinada şimdi Yalta ve Sudaqta Rusiye küç quvetlerinde çalışqan Qırım İç işler nazirliginiñ sabıq dört hadimi devlet hainligi içün mahkemelenecek, dep haber ettiler Qırım MC Prokuraturasınıñ matbuat hızmetinde.
"Olar Rusiye Federatsiyana Ukrayina topraq bütünligine qarşı faaliyet kerçekleştirmege ve yarımadanı işğal etmege yardım ettiler", - dep yazıla bildirmede.
Haber etilgeni kibi, qabaatlılar Qırım işğal etilgen soñ RF tarafına keçkenler ve böyle vazifelerge tayin etilgenler:
- Qırım İİN yolbaşçısınıñ muavini
- Yaltada Rusiye İİN idaresiniñ müdiri
- Sudaqta Rusiye İİN idaresiniñ müdir
- Aqmescit ava limanında RF polis bölüginiñ reberi
Ukrayina prezidentiniñ Qırım MC daimiy temsilcisi Tamila Taşeva "Qırım azat etilgen soñ Ukrayinanıñ ögünde turğan esas vazifelerden biri yarımadanı işğal etmege yardım etkenlerni tapmağa ve mesüliyetke çektirmege olacaq" dep bildirgen edi
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
