Kıyivdeki "Ukrposhta" ofisiniñ art habında Qırım Muhtar Cumhuriyeti ve Harkiv vilâyetiniñ poshta markalarınıñ taqdim merasimi olıp keçti. Olar "Vışıvanka milletniñ medeniy kodu" seriyasına kirdi, dep bildire Qırım.Aqiqat mühbiri.
"Ukrposhta"nıñ baş müdiri İgor Smelânskiy ile beraber tedbir musafirleri - Ukrayina prezidentiniñ QMC-deki daimiy temsilcisi Tamila Taşeva, Ukrayina halq dekorativ sanatınıñ milliy müzeyi müdiri Lüdmila Strokova ve Qırımtatar Milliy Meclisiniñ reisi Refat Çubarov, pulnı poçta ştampı ile tantanalı şekilde qaytarmaq aqqını aldılar.
Meclis yolbaşçısınıñ qayd etkenine köre, "Ukrposhta" tarafından pulnıñ çıqarılması timsaliydir, çünki bugün istilâcığa qarşı küreşniñ qızğın noqtaları Qırım ve Harkiv vilâyetinde toplanılğan.
"Bizi yoq etmek isteyler, qırımtatar ve ukrayinlikni yasaq eteler, amma Ukrayina işğalcilerge dey: "Yoq, yaşaycaqmız!", — dep ayttı Çubarov.
Öz nevbetinde Taşeva, yaqın kelecekte yañı poshta pullarınıñ yoq etilmesi azat etilgen Yaltada keçirilecek, dep ümüt etkenini bildirdi.
Qırım Muhtar Cumhuriyetiniñ tikimini köstergen pulda maram adlı qadın şalı (19-ıncı asırnıñ ortası) kösterile. İşlenme, ev urbası astında altın ve yipek yiplerden qullanılğan qasnaq ananeviy tehnikasınen yapılğan. Neşir Qırımtatar Milliy Meclisi ve "El Çeber" cemiyetiniñ desteginen yapılacaq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
