"Укрпочта" Русиенинъ Украйинагъа къаршы буюк истилясы заманы украйин пиротехниклерине топракъларны minasızlaştırмагъа ярдым эткен Патрон адлы копек иле пулны такъдим этти.
"Патрон адлы копек Украйина къуртарыджыларынынъ амайылы ве тиренюв тимсали олды, шунынъ ичюн онынъ сурети иле пуллар сизинъ филателистик топламынъызны яраштыра билир", - деп къайд эттилер "Укрпочта"да.
"Ukrpoçta" Patron adlı köpek ile pulnıñ satıluvından kelgen paranı hayriye işlerine yollaycağını vade etti
Patron adlı köpek ile pul "Ukrpoçta"nıñ Rusiyeniñ Ukrayinağa qarşı büyük istilâsı adiselerine bağışlanğan altıncı puldır.
Aprelniñ 12-nde "Ukrpoçta" "Rusiye arbiy gemisi, ... ket! Qaramanlarğa şan-şerefler!" pulunı basıp çıqardı. Biraz soñra ise "Gemi bitti" pulu edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
