Link açıqlığı

Saatnıñ esas haberi

Ukrayinanıñ işğal etilgen topraqlarından daa beş bala qaytarıldı — ombudsmen


Dmıtro Lubinets
Dmıtro Lubinets

Lugansk, Donetsk ve Herson vilâyetleriniñ işğal etilgen topraqlarından 1,5 yaşından 18 yaşına qadar daa beş ukrayin balasını qaytarıp oldıq, dep bildirdi Ukrayina Yuqarı Radasınıñ insan aqları vekâletlisi Dmıtro Lubinets.

"Gençlerden biri Vaqtınca işğal etilgen topraqlardan öz başına çıqıp olamağanını ayttı, şunıñ içün bizim ofisimizge muracaat etti, oña çıqıp ketmege yardım ettiler. Şimdi Ukrayina hayriye fondları ve teşkilâtlarınen beraber oña vesiqalarnı almağa, mesken qıdırmağa ve aliy oquv yurtuna kirmege yardım ete", — dep qayd etti ombudsmen içtimaiy ağlarda.

Lubinetsniñ aytqanına köre, onıñ ofisine Rusiye esirliginden azat etilgen arbiy hızmetçi muracaat etip, işğal etilgen topraqlardan qızını qaytarmaq içün yardım istedi.

"Şükür ki, bunı da yapıp oldıq. Ve şimdi qız anasınıñ yanında", — dep yazdı Lubinets.

Ukrayinanıñ resmiy malümatına köre, cenk devamında Rusiyede ve işğal etilgen topraqlarda 20 biñden ziyade ukrayin balası qaldı. Yuqarı Radanıñ insan aqları vekâletlisi Dmitro Lubinets, Rusiye Ukrayinadan 150 biñge yaqın balanı qanunsız sürgün etti, dep tahmin ete. Yuqarı Radanıñ bala aqları vekâletlisi Darya Gerasimçuk, bir qaç yüz biñ bala, yani 200-300 biñ raqamını bildire.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG