Ukrayina limanlarından zahire ve mahsullarnıñ telükesiz taşınması teşebbüsiniñ ömürge keçirilmesinde iştirak etken ilk POLARNET gemisi İstanbulda teftiş gruppasınıñ teşkerüvinden muvafaqiyetnen keçip Türkiyedeki baracaq yerinen kelip çıqtı. Bunı Ukrayina Tış işler nazirligi ve İnfraterkip nazirligi tasdıqladı.
"Zahire teşebbüsiniñ" ömürge keçirilmesinde bu ilk muvafaqiyetli tecribe taşınmalarnıñ kelecek istiqballeri mevzusında optimist olmamızğa imkân ber", - dedi Ukrayina infraterkip naziri Oleksandr Kubrakov.
"Zahire koridorınıñ" kelecek faaliyeti içün tam mesüliet Rusiyeniñ üzerindedir. Eger o öz mecburiyetlerine riayet etse, ukrayin azıq ihracı Yaqıye Şarq, Afrika ve Asiya dostlarımız içün turğunlıqnı kefalet etmege devam etecek", - dedi Ukrayina TİN yolbaşçısı Dmıtro Kuleba.
Rusiyeniñ Ukrayinağa büyük istilâsı başlanğan avgustnıñ 1-nde Odesa deñiz limanından ukrayina ğıdası olğan soñ ilk gemi çıqtı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
