Ukrayinanıñ beklengen qarşı ücümi soñki olmaycaq, dep bildirdi Ukrayina tış işler naziri Dmıtro Kuleba.
"Bu qarşı ücümni soñki dep saymañız, çünki bundan ne olacağını bilmeymiz. Ve eger bu qarşı ücüm ile bizim topraqlarımıznı azat etip olsaq, soñunda bu soñki edi dep ayta bilesiz, azat etip olamasaq, nevbetteki qarşı ücümge azırlanmaq kerek olacaq", - dedi o.
Soñki aftalar Ukrayinanıñ qaşı ücümi ile bağlı daa çoq bildirmeler berile. Onıñ tarihı ve yeri aqqında iç bir şey belli degil. Bazıları Ukrayina ordusınıñ nişanı Donbas, bazıları ise işğal etilgen Qırım olacaq deyler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
