Ukrayina prezidentiniñ Qırım MC Daimiy temsilciliginde "bugünde Ukrayinanı işğalcilerden mudafaa etken" Qırımdan olğan imayeciler mukâfatlandırıldı. Temsilciilkniñ matbuat hızmetiniñ haber etkenine köre, olar keçken Ukrayina Mustaqilligi künü munasebeti ile mukâfatlanğan.
"Tamila Taşeva (Ukrayina prezidentiniñ Qırım MC daimiy temsilcisi) RF arbiy tecavuzından Ukrayina topraq bütünligini ve suverenitetiniñ imaye etilüvine büyük isse qoşqan imayeciler Dmitriy Belovitskiy, Yevgeniy Vorotnikov, Kristina Krıs, Yelena Soloninanı mukâfatlandırdı", -dep yazıla bildirmede.
Haber etilgenini kibi, bazı imayeciler cebede bulunğanları içün mukâfatlandıruvğa kelemegenler - Aleksey Bondarenko, Vladislav Gulâyev, Gennadiy Dolgolikov, Ruslan Zaredinov, Artem Kiselev, Dmitriy Kiselev, Aleksey Kiselev, Aleksey Kovalenko, Yevgeniy Leşan, Mihail Novoseltsev, Petr Orlov, Antonina Romanova, Aleksey Sas.
Bundan ğayrı "muvaqqat işğal etilgen topraqlarda yaşağan Ukrayina vatandaşlarınıñ aq ve serbestliklerini imaye etüv" içün QMC ve Aqyar şeeri prokuraturasınıñ hadimleri Artem Ponomarenko ve Yevgeniy Sas mukâfatlandırılğan.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
