Rusiye ordusı İlk küzniñ 30-na keçer gecesi gemige qarşı "Tsirkon"/ "Oniks" raketaları, "İskander-M"/S-400 ballistik raketaları ve farqlı çeşitlerdeki 188 ücüm uçaqları ile ücüm etti (olardan 86-sı reaktiv), ücümniñ esas yönelişi Kıyiv vilâyeti edi", — dep bildire Ukrayina Silâlı quvetleriniñ Ava quvetleri.
İlk malümatqa köre, saat 8-ge qadar ava mudafaası 160 nişannı yoq etti.
Ukrayin arbiyleri 18 yer zarar körgenini qayd etti. Ücüm devam ete.
Yerli akimiyetniñ malümatına köre, Kıyivde Rusiye ücüminden eki insan elâk oldı, daa dört kişi yaralandı, aqibetleri şeerniñ dört rayonında qayd etile. Kıyiv vilâyetinde bir bala elâk oldı, yıqılğan şahsiy evniñ viranelerinden üç adamnı qurtarıldı, olarnıñ arasında bala da bar edi.
Rusiye soñki aylarda Ukrayinağa qarşı ücümler içün reakttiv dronlarnı faal qullanmağa başladı. Bu sebepten Kıyiv ve Ukrayinanıñ diger şeerleri aman-aman gece-kündüz dron ücümlerine oğraylar.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.