Deñişüv neticesinde Rusiye esirliginden 115 ukrayinalı qaytarıldı, dep bildirdi Ukrayina prezidenti Volodımır Zelenskıy.
Bu, Ukrayina silâlı quvetleriniñ avgustnıñ 6-nda Rusiye Federatsiyasınıñ Kursk vilâyetinde arbiy ameliyatnı başlağanından berli esirlerniñ ilk deñişüvidir. Onıñ başlanmasından soñ ukrayin tarafı deñişim fondunıñ bayağı arttırğan.
Prezident Volodımır Zelenskıynıñ aytqanına köre, Rusiyeniñ Kursk vilâyetinde yüzlerce Rusiye ordusınıñ arbiyleri esirlikke teslim oldı. Moskva bunı bildirmey. Esirlerniñ tam sayısı belli degil.
Ukrayina ve Rusiye arasında soñki esirlerni deñişüv iyülniñ 17-nde olıp keçken edi — o vaqıt Rusiye esirliginden daa 95 ukrayinalı qaytarıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
