Rusiye ordusı sentâbrniñ 9-na keçer gecesi Ukrayinağa Rusiye Federatsiyası Kursk vilâyeti ve işğal etilgen Donetsk vilâyetiniñ ava boşluğından üç dane X-59/69 idare etilgen aviatsiya raketasınen ücüm etti, dep haber ete Ukrayina Silâlı quvetleriniñ Ava küçleri komandanlığı.
Bundan ğayrı, Rusiye ordusı Kursk rayonından sekiz Shahed darbe uçucısızını uçurdı.
Ava quvetleriniñ malümatına köre, ava uruşı neticesinde eki H-59/69 ve altı Shahed urıp tüşürildi.
«Eki duşman uçucısızı Ukrayinada coyuldı (büyük ihtimalnen, radioelektron küreş tesiri altında tüşkendir). Faal qarşılıq neticesinde bir H-59/69 maqsadına irişemedi», – dep aytıla.
Ava mudafaası Kyiv, Çerkası, Sumı ve Dnipropetrovsk vilâyetlerinde çalıştı, dep qoşa arbiyler.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
