ABD Devlet kâtibi Entoni Blinken, Rusiyeniñ Ukrayinağa qarşı cenki Moskvanıñ "kelecek yıllar içün" tesirini eksiltken "strategik bir mağlübiyet" olğanını bildirdi. Bunı CNN haber ete.
"Putin quvet köstermege istegen yerde zayıflıq kösterdi", - dedi Blinkin.
ABD Devlet kâtibi, diger memleketlerniñ cenkniñ toqtatılmasına yönetilgen teşebbüsleri BMT Nizamnamesini ve Ukrayinanıñ suverenitetini, topraq bütünligini ve mustaqilligini destekleycek olsa Vaşington olarğa qolutatacağını bildirdi.
Ukrayina prezidenti Volodımır Zelenskıy iyünniñ 2-nde, memeleketiniñ cenk vaziyetinde olğanı sebebinden NATO azası olamaycağını añlağanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
