Link açıqlığı

Saatnıñ esas haberi

"Ukrayinağa mektüpler": "Sarı şerit" areketi Qırım şeerlerinde aktsiya keçirdi


Sarı şerit
Sarı şerit

İşğal etilgen Qırımda "Sarı şerit" areketiniñ iştirakçileri "Ukrayinağa mektüpler" aktsiyasını devam ete, dep haber etile areketniñ telegram kanalında.

Areket, qolnen yazılğan mektüpler, em de Ukrayina destegine şiarları ile resimlengen Rusiye teşviqat materiallarınıñ stikerleriniñ fotoresimlerini derc etti. Bildirilgenine köre, aktsiya Aqyar, Aqmescit ve Yaltada keçirildi.

İşğal etilgen yarımadada er bir demirden yañğırağan daimiy propagandağa baqmadan, halqımız öz kimligini hatırlay ve Rusiye tesirine boysunmaycaq. Vaqtınca işğal etilgen topraqlarnıñ çeşit köşelerinden kelgen mektüplerni oquğanda, mecburiy işğal altında qalğan ukrayinlerniñ tüşüncelerini ve ümütlerini añlay bilesiñiz. Olarnıñ ümütleri, Ukrayinağa olğan sevgisi, tirenüvleri - episi mında", — dep aytıla beyanatta.

Ukrayinada "Serbest Qırımğa mektüpler" teşebbüsi bar, onıñ çerçivesinde ukrayinalılar Rusiye tarafından qanunsız tutulğan ve mahküm etilgen qırımlılarğa mektüp yazmağa çağıralar.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG