Rusiye arbiyleri saban ayınıñ 23-ne keçken gecesi Ukrayinağa 251 "Şahed", "Gerbera", "Italmas" ve diger tiplerniñ ücüm uçaqları ile ücüm etti, olardan 150-ge yaqını "Şahed" edi, dep bildirdi Ukrayina Silâlı quvetleriniñ Ava quvetleri. Dronlar Rusiye Federatsiyasınıñ beş yönelişinden ve Rusiye tarafından işğal etilgen Qırımnıñ Sarabuz qasabasından uçurıldı.
"İlk malümatqa köre, saat 08:00-ge qadar ava mudafaası 234 duşman uçucısızını urıp tişirdi", — denile beyanatta.
Arbiylerniñ malümatına köre, 11 yerde 17 ücüm uçucısız uçaq tüşti, daa 8 yerde urulıp tüşürilgen dronlarnıñ parçaları qayd etildi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.