Ukrayinağa 99 arbiyniñ cesedi qaytarıldı, dep bildire aprelniñ 12-nde cenk esirlerine munasebet boyunca ukrayin koordinatsion ştabı.
Hususan, Donetsk yönelişinde cenkleşken 77 qoruyıcınıñ, Zaporojjâ yönelişinde elâk olğan 20 askerniñ ve Harkiv yönelişinde elâk olğan eki qoruyıcınıñ cesetleri vatanğa qaytarıldı.
Koordinatsion ştabda qayd ettiler ki, Ukrayina Silâlı quvetleri repatriatsiya etilgen cesetler ve qalıntılarnı belli devlet müessiselerine alıp ketecek, uquq qoruyıcı organlarınıñ vekilleri ve mahkeme-tibbiy ekspertler elâk olğanlarnıñ şahsiyetini belgileycek. Qoruyıcılarnıñ cesetleri tanılğan soñ, ailelerine defin etilmek içün berilecek.
Mart ayınıñ soñunda ştab 121 elâk olğan askerniñ cesedi qaytarılğanını bildirdi.
Ukrayinada 2023 senesi mayıs ayından berli ğayıp olğan şahıslarnıñ yekâne reyestri çalışıp başladı. Oña arbiy hızmetçilerniñ bütün malümatları kirsetile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
