Ştabnıñ malümatına köre, bu, Lugansk, Bahmut, Marıno, Avdiyivka, Herson, Zaporojjâ yönelişlerinden, em de Rusiyeniñ kontroli altında olğan Mariupol, Ğorlivka ve morglardan elâk olğan ukrayin qoruyıcılarınıñ cesetleri.
"Elâk olğan arbiylerniñ cesetleri Jeneva konventsiyasınıñ qaidelerine köre teslim etile. Vatanğa qaytqanlarnıñ cesetleri ve qalımtıları devlet müessiselerine alıp ketilecek. Uquq qoruyıcı organlarınıñ vekilleri ve mahkeme-tibbiy ekspertler elâk olğanlarnıñ şahsiyetlerini belgileycek", — denile beyanatta.
Ukrayin qorçalayıcılarınıñ cesetleri belgilengen soñ, olarnı tuvğanlarına defin etmek içün berecekler.
2024 senesi mart ayınıñ başında Ukrayina Yuqarı Radasınıñ vekâletlisi Dmıtro Lubinets bildirdi ki, Ukrayinada 2800-den ziyade arbiy adamnıñ cesedi ve ceset parçaları tapıldı. Kimligi belli olmağanlarnıñ sayısı belli degil.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
