«Bizni yaqın vaqıtta bayağı qıyın vaziyet bekley, dep tahmin etemiz. Amma felâket degil, bunı da añlamaq kerek. Şimdi er kes aytıp başlağan kibi, Armageddon olmaycaq. Amma mayısnıñ ortasından problemler olacaq», – dedi Budanov BBC Ukrayına intervyüsında.
O, laf cebe aqqında da kete, dep qoştı. «Bu umumiy yanaşuv, çünki rusiyeliler onı qullanacaq. Olar umumiy operatsiya keçire. Bunı siznen çoq laf etmeycekmiz, amma qıyın bir vaqıt olacaq. Mayısnıñ ortası, iyünniñ başı», – dep ayttı Baş istihbarat idaresiniñ yolbaşçısı.
Amerika Cenkni tedqiq etüv institutı aprelniñ 21-nde yapqan esabatında Rusiye ordusı Ukrayına ABDden yardım almazdan evel şimdiki ücüm operatsiyalarını ve raketa ve uçucısızlarnıñ darbelerini faalleştirecektir, dep bildirdi.
Aynı vaqıtta ISW qayd etkenine köre, Rusiye quvetleri «cebe çizgisini bozacaq yaruvğa irişip olamaycaqtır».
Ukrayına prezidenti Volodımır Zelenskıy NBC News içün intervyüda Rusiye Ekinci cian cenkinde Ğalebe künü qayd etilgen mayısnıñ 9-na qadar Donetsk vilâyetindeki Çasiv Yarnı zapt etmege istey, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
