Ukrayina Arbiy deñiz quvetlerinde ağda "Vladimir Kozitskiy" minalarğa qarşı geminiñ ola bilgen patlaması aqqında yayınlanğan malümatnı izaatladılar.
"Rusiye işğalcilerine hatırlatamız: Ukrayina Qırımnıñ yalısında olarğa yer yoq. Anda bulunuv olarnıñ gemilerine tek zarar ketire", - dep bildirdi "Suspilne"ge ADQ spikeri Dmitriy Pletençuk.
Arbiy, Ukrayina Silâlı Quvetleri bu malümatnı tasdıqlamağanını ve aynı zamanda red de etmegenlerini qayd etti.
Bu malümatnı Ukrayina "Cenüp" operativ komandanlığınıñ spikeri Natalâ Ğumenük da izaatladı.
Evel "Krımskiy veter" telegram kanalı Aqyarda RF Qara deñiz flotunıñ "Vladimir Ko zıtskiy" minalarğa qarşı gemisiniñ patlaması aqqında haber etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
