Rusiye tarafdarı olğan faal ve Sudaqnıñ sabıq memurı Eyvaz Ümerovğa Ukrayinada kollaboratsiya faaliyetinde şübeli sayılğanı aqqında haber etildi (Müellifniñ 1-inci maddesi, Ukrayina Ceza kodeksiniñ 111-1 maddesiniñ 1-nci qısmı), istilâcı devletke yardım etüv (Ukrayina Ceza kodeksiniñ 111-2 maddesiniñ 1-nci qısmı) ve Rusiye Federatsiyasınıñ Ukrayinağa qarşı silâlı tecavuzını aqlav, qanuniy olaraq tanımaq, red etüv (Ukrayina Ceza kodeksiniñ 436-2 maddesiniñ 1-nci qısmı). Bu aqta mayısnıñ 29-nda QMC Prokuraturasınıñ matbuat hızmeti haber etti.
Beyanatta şübeliniñ adı aytılmay, amma Rusiye kontrolindeki "Qırım Cumhuriyeti qırımtatarlarnıñ regional milliy-medeniy muhtariyeti" teşkilâtınıñ yolbaşçısı şübeli sayılğanı qayd etile. Açıq menbalardan alınğan malümatqa köre, bu teşkilâtnıñ yolbaşçısı bu künge qadar Eyvaz Ümerov sayıla.
Qırım Muhtar Cumhuriyetiniñ prokuraturası haber etkenine köre, ukrayin uquq qoruyıcıları 2022 senesi aprel ayında o, Rusiye mediasınıñ birinde "Rusiyeniñ dünya meydanında bulunması" mevzusında çıqışta bulunğanını belgiledi. Hususan, o, Ukrayina suverenitetiniñ Qırımğa tarqaluvını red etti ve çetel liderlerini işğal etilgen Qırımnı Rusiye Federatsiyasınıñ qısmı olaraq tanımağa çağırdı.
Bundan da ğayrı, QMC prokuraturasınıñ bildirgenine köre, 2022 senesi Ümerov Facebookta "işğalci memleketniñ siyasiy rejimini maqtağan" ve "qırımtatar halqınıñ Rusiye Federatsiyasınıñ milliy liderine qol tutqanı ve onıñ teşebbüsinen başlatılğan SVO aqqında ikâye etken video yazısını derc etti.
Ümerovnıñ qabaatı mahkemede isbatlansa, oña 12 yılğa qadar apis cezası berile bile. O, bu dava boyunca açıq izaatlarnı daa bermedi.
Eyvaz Umerov içtimaiy ağdaki saifesinde bildirgenine köre, Qırımnıñ Rusiye yolbaşçısı Sergey Aksenovnıñ mesleatçısı Ervin Musayevge zarar ketirgeni içün noyabrniñ 2-nde Rusiye quvetçileri evini tintti.
Oktâbrniñ 3-nde Eyvaz Umerov Ervin Musayevni «Ukrayinağa qoltutqanında» qabaatlap kötekleşti. Musayev oña «Rusiyege qoltutqanı içün» ücüm etkenler dedi.
Qırımdaki Rusiye polisi Eyvaz Umerovğa qarşı cinaiy dava açtı. Onı «orta seviyeli zarar ketirgeninde» qabaatladılar. «Mash na volne» Telegram kanalınıñ malümatına köre, Musayevniñ mañlayında açıq yaralar bar ve közlügi parçalandı, ekimler miy sarsuvı olğanını qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
