Link açıqlığı

Saatnıñ esas haberi

Ukrayinada Rusiye tarafından teşkil etilgen Bağçasaray şeer şurasınıñ sabıq deputatı 12 yıl apis cezası üküm etilecek


Ervin Musayev, arhiv fotoresimi
Ervin Musayev, arhiv fotoresimi

Ukrayinada Rusiye kontrolindeki Bağçasaray şeer şurasınıñ sabıq deputatı ve Qırımnıñ Rusiye yolbaşçısınıñ mesleatçısı Sergey Aksönovnı kollaboratsionizm faaliyetinde ve Ukrayinağa qarşı Rusiye istilâsını aqlağanında qabaatladılar. Bu aqta yanvarniñ 20-nde QMC Prokuraturasınıñ matbuat hızmeti haber etti.

"Taqiqat, 2022 senesi aprel ayında qabaatlanğan şahıs Aqmescitte qırımtatar cemaat teşkilâtlarınıñ temsilcileri ve belediye deputatları toplaşuvında faal iştirak etkenini qayd etti. Bu Aqmescitte istilâcı devletniñ prezidentine Ukrayina territoriyasında "SVO" keçirmesinde qol tutuv tedbiri edi", — dep aytıla QMC prokuraturasınıñ haberinde.

Müessisede şunı da qayd ettiler ki, Rusiyege qoltutqan "Millet" telekanalı içün çıqışta bulunğanda, qabaatlanğan kişi "barışıq insanlarnı qurtarmaq", "azat etmek" içün "Ukrayinada "natsistler", "faşistler" yoq etmek kerek, dep aytqan, bu ise Kreml propagandasınıñ tipik narratividir.

"Makeme-lingvistik ekspertiza, qabaatlanğannıñ aytqanlarında Rusiye Federatsiyasınıñ Ukrayinağa qarşı silâlı tecavuzını aqlağanı, em de tecavuzcı devletni ve onıñ işğalci memuriyetini desteklegenini tasdıqladı", — dep haber ettiler müessisede.

QMC prokuraturasınıñ haberinde qabaatlanğannıñ adı ve soyadı aytılmay, lâkin matbuat vastalarınen subetleşmege aqqı olmağan memur Qırım.Aqiqatqa aytqanı kibi, söz Ervin Musayev aqqında kete. O, bu dava boyunca açıq izaat bermedi. Eger onıñ qabaatı makemede isbatlansa, mal-mülki müsadere etilip, 12 yılğa qadar apis cezası berile bile.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG