Ukrayınada Qırımtatar tiliniñ milliy korpusını quruv işi başladı, dep haber Ukrayına prezidentiniñ Qırım Muhtar Cumhuriyetindeki temsilciligi.
«QIRI'M YOUNG cemaat teşkilâtı Qırımtatar tiliniñ milliy korpusı leyhası üzerinde çalışıp başladı. Korpus keniş malümat, hususan metinlerniñ tilşınaslar tarafından talil etilüvi vastasınen til tedqiqatınıñ zemaneviy aleti ola», – dep aytıla haberde.
Müessise, bu leyhanıñ maqsadı – qırımtatar tilini keniş qullanılğan til yapmaq, onıñ turğun inkişafını temin etmek, esas tedqiqatları içün temel yaratmaqtır. Leyhağa köre, tilşınaslıq korpusınıñ quruluvı qırımtatar tilini operatsion sistemalarğa ve online tercimanlarğa kirsetmek içün müim bir adım olacaq.
Ukrayına prezidentiniñ Qırım Muhtar Cumhuriyetindeki temsilciligi qayd etkenine köre, bu malümat bazasını şekillendirmege ve leyhanı kerçekleştirmege er kes yardım ete bile.
«Qırımtatar tilinde metinleriñiz (sanat eserleri, ilmiy maqaleler, stsenariy, mektüpler ve ilâhre) olsa, olarnıñ kopiyalarını (ya da elektron metinlerini) http://e.crpus.org adresine yollañız», – dep bildirdi müessise.
Hatırlatamız, Ukrayına nazirler şurası 2022 senesi fevralniñ 23-nde 2032 senesine qadar Qırımtatar tiliniñ inkişaf strategiyasını tasdıqladı.
2021 senesi aprelniñ 7-nde Ukrayına Nazirler şurası Qırımtatar tiliniñ inkişaf kontseptsiyasını tasdıqladı.
2021 senesi yanvar ayında Ukrayına reintegratsiya nazirligi «cemaatçılıq ile elektron mesleatlar» içün qırımtatar tiliniñ inkişafı ve populârlaştırıluvınıñ leyhasını derc etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
