Marafonnı "Vikimedia Ukrayina" cemaat teşkilâtı teşkil ete. Aktsiyanıñ maqsadı — qırımtatar tili ve tarihı, qırımtatar tili ve medeniyetiniñ populârlaşması içün Vikipediyada qırımtatar tilinde maqaleler yazmaq ve redaktsiya etmek.
Marafonda qırımtatar tilini bilgen er kes iştirak ete bile. Yañı ve tecribeli muarrirler qoşula bile.
Marafon eki kategoriya boyunca keçirilecek:
- 1000 maqale, olar Vikipediyanıñ bütün til bölüklerinde olmalı;
- Ukrayina, Qırım, qırımtatar medeniyeti ve ananeleri, tarihiy şahıslar ve ilâhre ile bağlı 250 maqale
Yarışnıñ bütün iştirakçileri mukâfatlar ve suvenirler içün küreşe bileler. Teşkilâtçılar marafon çerçivesinde eñ büyük isse qoşqan on iştirakçini (Vikipediyanıñ qaidelerine ve talaplarına köre) taqdirleycekler.
Qırımtatar Vikipediyası 15 yıldan ziyade çalışa ve anda 10 biñden ziyade maqale bar. Aynı zamanda, onda yeterli derecede aydınlatılmağan bir çoq esas mevzular qala; hususan, esas qavrayışlar aqqında maqalelerniñ çoqusı yoq ya da pek qısqa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
