Ukraнina Yuqarı Radasınıñ insan aqları vekâletlisi Dmıtro Lubinets Bağçasarayda qırımtatar faali Edem Dudakovnıñ evinde keçirilgen tintüvni izaatladı.
''Dünya toplulığını Rusiyege qarşı siyasiy ve sanktsiyalar basqısını quvetleştirmege, Qırımda insan aqlarınıñ bozuluvını toqtatmağa ve qanunsız tutulğan bütün Ukrayina vatandaşlarını acele ve şartsız azat etmege çağıram'', – dep qayd etti ombudsman öz telegram kanalında.
Tintüv saba saat yedide başlandı. Rusiye quvetçileri qoradan atlap, qapularnı açqanlar. Tintüv saba saat doquzda yekünlengen. Dudakovnıñ evinde protokol tizilgen, amma qorantağa kopiyasını qaldırmağanlar.
Edem Dudakov qırımtatar faali, Qırımtatar halqı Qurultayınıñ delegatı, Qırımnıñ milletler işleri Cumhuriyet komitetiniñ sabıq yolbaşçısı. Qırımnıñ Rusiye tarafından ilhaqından soñ Dudakov "Hansarayınıñ qoruyıcısı" olaraq belli oldı. Faallerniñ aytqanına köre, Rusiye "restavratsiyası" neticesinde binalarnıñ kerçek elementleri ğayıp ola, binalar ise zarar köreler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
