"Söz, 2023 senesi işğal etilgen Qırımda sahte saylavlarda saylanğan "Yedinaya Rossiya" firqasından RF Devlet Dumasınıñ deputatı aqqındadır. Tahqiqatnıñ malümatına köre, o, "Simferopol 19-ncı bir mandatlı saylav okrugı" boyunca namzetlik kösterdi", — dep qoştılar SBU-da.
Qayd etilgenine köre, saylav kampaniyası vaqtında qabaatlanğan "Ukrayinada faşizm ile küreşmege" ve RF Silâlı quvetleriniñ "qaramanlığına" yardım etmege çağıra edi.
Bundan da ğayrı, SBU qayd ete ki, 2024 senesi o, sahte mal-mülkniñ musadere etilmesi aqqında qanunğa qol tuttı ve Qırım faallerine qarşı bu repressiv tedbirlerniñ kirsetilmesine yardım etti.
"Qayd etilgenine köre, mabüs, ukrayin yarımadasında yaşap, daa 2014 senesi istilâcı tarafına keçti ve bunıñ içün işğalci akimiyetten bir sıra mukâfat aldı", — dep qayd etile.
Müessiseniñ beyanatında qabaatlanğannıñ adı ve soyadı aytılmay, lâkin medianen laf etmege aqqı olmağan ve adını bildirmek istemegen memur Qırım.Aqiqatqa bildirdi ki, söz Yuriy Nesterenko aqqındadır.
Avgust ayında haber etilgenine köre, Ukrayinada kollaboratsiya faaliyetinde şübeli sayılğan Qırımnıñ üç yüksek vazifeli memurını makeme etecekler.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
